နွေ

ခေတ်

ပိုက်ဆံအိတ်ထဲ ငွေဖောင်းနေသလား
အပေါင်းအသင်းများက ခေါ်ချင်ပြောချင်
ချစ်တဲ့သူကကြည်ဖြူ  မုန်းသူကလည်း
ပါးစပ်တစ်ပြင်ပြင် သြော်...ခေတ်

အတိုပြတ်နဲ့  မလုံတစ်လုံ
သိုးရေခြုံထားသော ဝံပုလွေတွေကြား
ပြေးလွှားဆော့ကစားချင် သြော်...ခေတ်

အငယ်အနှောင်း မယားပေါင်းသောင်းခြောက်ထောင်
ငွေရှိပါက ဘယ်နားထားထားနေမယ်ပြင် သြော်...ခေတ်

သစ္စာတရား   ဈေးကစားလို့ 
ရည်းစားများမှ အဟုတ်ထင် သြော်...ခေတ်

အပျော်အပါး  လောင်းကစား
ဘီယာအရက် ခုံမင်စွဲလန်း
ညစဉ်တိုင်းလည်း တီးဟောက်ထိုင်
အချိန်ဖြုန်းချင်ပြန် သြော်...ခေတ်

လူနဲ့ လူချင်း  မေတ္တာကင်းလို့ 
ရန်စစ်မီးများ လောင်ကျွမ်းပြန် သြော်...ခေတ်

သြော်...ခေတ်  သြော်...ခေတ် သြော်.

ညီညွတ်ညိန်း

လောကလူရွာ

ခဏရောက်လာ  သည်ချိန်ခါမယ်
အတိတ်ဘဝ ပြုသမျှကံ
ကြောင်းကျိုးပေးပုံ မတူလေ၏
ရုပ်ဝတ္ထုခင် ဓနဂုဏ်ငွေ
အစွဲပြုကာ သူငါအတ္တ
မာန်မာနတို့  မြင့်တတ်ကုန်၏
အနိစ္စမမြင် ရုပ်ကိုခင်တွယ်
ဒီသံသရာ  ဖတ်တွယ်လို့ ထား
မြင့်မြတ်ဘုံမှာ  နေရသော်လည်း
တရားမသိ  အမှားမမြင်
မျက်ကန်းစစ် ဖြစ်လျက်နေပါတကား။

ညီညွတ်ညိန်း

အဆုံးအက္ခရာ သုံးလုံးကစ၍ အနူလောမ ဖတ်ပြီးလျှင် နှစ်လုံးစီ နောက်သို့ ဆုတ်၍ အစအက္ခရာ သုံးလုံး၌ အစသတ်၍ ဖတ်ပေးပါ။

မောင်ချစ်သူ
လှသူတစ်မျိုး
လေးစူနုတ်ခမ်း
သူတိုသဝန်
ချစ်လွန်းလို့ ။
ယုံပါကွယ်
မရွယ်မုန်းစိတ်
ထက်ဆုံးအသက်
တစ်ရွက်နှစ်လွှာ
စွယ်တော်ပေါင်းဖက်
ယှက်မှညှာချင်း
တစ်ပွင့်တစ်ညှာ
တစ်သက်မှာ။

အဖြောင့်ကား။ ။
ချစ်လွန်းလို့ 
သဝန်သူတို
နူတ်ခမ်းလေးစူ
တစ်မျိုးလှသူ
မောင်ချစ်သူ။
တစ်သက်မှာ
တစ်ညှာတစ်ပွင့်
ညှာချင်းယှက်မှ
ပေါင်းဖတ်စွယ်တော်
နှစ်လွှာတစ်ရွက်
အသက်ထက်ဆုံး
မုန်းစိတ်မရွယ်
ယုံပါကွယ်။

သီတင်းကျွတ်လ

***မိုးနတ်နွယ်**

ဖြူစင်သန့် ရှင်း
ခြောက်ပြစ်ကင်း
ထုံးသင်းပျံ့ ပေတယ်။
ရူပါရုံအဆင်း
ပပဝင်း
လမင်းသို့ နှယ်။
ခွန်းခြွေစကား
လေပြေလား
ထင်မှားလောက်ပေ။
ကိုယ်ဟန်ယဉ်ကျေး
မြင်သူငေး
ရင်အေးစေဖွယ်။
ပါးပြင်ထက်ဝယ်
နံ့ သာခြယ်
တင့်တယ်ပါပေလေ။
ဇဗ္ဗူလင်္ကျာ
ကျွန်းမဟာ
သူသာအလှဆုံးဖြစ်ပေမည်။

စိတ္တသုခကာယသုခပြည့်စုံကြပါစေ.....ညီညွတ်ညိန်း

ပြန်လာခဲ့မယ်အမေ

တိုင်းတစ်ပါမြေ အဝေးရောက်နေ
အမေမေတ္တာ ပန်းခင်းရာဆီ
ပြန်လာခဲ့မည်။
အမေတ္တာဝေး ဟိုအဝေးက
ပြန်လာခဲ့မည်။
တမ်းတလို့ လွမ်းရ မှန်းဆခဲ့သောညတွေ
အမေရင်ခွင်မြေဆီ ပြန်လာခဲ့မည်။
ဟိုအရင်လို မိသားစုထမင်းဝိုင်း
အောက်မေ့တမ်းတ အတူတူလက်ဆုံစားကာ
ညချမ်းအခါစကားဖောင်ဖွဲ့  အမေပြောပြခဲ့သော
တစ်ထောင်တစ်ညပုံပြင်တွေ
မကြားရတာကြာပြီအမေ။
အမေရင်ခွင်ကနေအတောင်ဖြန့် ကာ
လေဟာပြင်ထဲတဲ့ငှက်ငယ်
အခုတော့အမေအိမ်အသိုက်မြုံကို
ပြန်လာခဲ့မည်။
တကယ်တော့အမေ
လောကအလယ်အတောင်မစုံ
ဘဝဇာတ်ခုံကလှသောအရာမဟုတ်
လိမ်ညာတာတွေဟန်ဆောင်မှုတွေ
ပြည့်နှက်နေတယ်အမေ။
ရိုးသားခြင်းဆိုတာကိုခုတုံးလုပ်
အမြတ်ထုတ်ချင်သူတွေကလည်းအများကြီးအမေ။
သစ္စာကိုခြံခတ်မေတ္တာကိုအရေခြုံ
ဝံပုလွေလိုလူစားတွေလည်းအများကြီးအမေ။
နွေးထွေးအရိပ်အမေအိပ်ကိုပဲပြန်ခဲ့တော့မည်။

ဖားနှင့်ပျား

စိမ်းလဲ့ကန်သာ ပန်းပေါင်းစုံဖြာ
ငါးမည်ခိုင်းသင်း ပန်းရနံ့ ဆင်း
လေပြေသယ်ဆောင် မွှေးရနံ့ ထောင်
စိတ်ကိုကြည်နူး ဘဝင်ထူး၏
ပန်းရနံ့ ကြောင့်  ဝေးကရောက်လာ
ပျားတို့ သည်သာ ဝတ်ရည်စုတ်လူး
အရသာထူး ခံစားဖူးသည်
ကန်တွင်းဖားငယ် ကြာပန်းသင်းလည်း
ရနံ့ မရ ဝတ်ရည်မသောက်
ပျင်းရိစိတ်မွေး သနာစရာလေး။
ငါတို့ ပြည်ရွာ သာသနာရောင်ဝါ
နေလိုလလို ထွန်းကားပါလျက်
အနှစ်သာရ မသုံးဆောင်ရ
ဖားနှင်မခြား သနားစရာ
သည်ဖြစ်အင်သို့  ရောက်မှန်းမသိ
ရောက်နေရ၏။
ဝေးကရောက်လာ ပျားပမာ
တိုင်းတစ်ပါးသားတို့  ဝတ်ရည်စုတ်လူး
ရသာထူးကို မြိန်ရေယှက်စွာ
သုံးဆောင်ကုန်၏။
ကန်ရေပြင်တွင်း ကြာပန်းခင်းကို
ပိုင်ဆိုင်ပါလျက် ရသာထူးနဲ့ ဝေး။

စိတ္တသုခကာယသုခပြည့်စုံကြပါစေ.....ညီညွတ်ညိ

မျှော်လင့်တိုင်းသာ

လေတွေတိုက်လိုက်တိုင်း
ပန်းပွင့်တွေလွင့်ကြွေရမည်ဆိုရင်
ပန်းပွင့်ဆိုတာရှိပါဦးမလား။
ရေတွေတိုက်စားတိုင်းသာ
မြေပြိုကျရင်မြေကြီးဆိုတာရှိပါဦးမလား။
လိုချင်တိုင်းသာရပါမူရင်
ဘယ်မှာဆင်းရဲ ဒုက္ခရှိမည်လဲ။
ချစ်သူတိုင်းသာပေါင်းခွင့်ရရင်
ဘယ်မှာအလွမ်းအဆွေးရှိပါမလဲ။
မျှော်လင့်ချက်တိုင်းသာ
ဖြစ်လာရင်ကျဆုံးခြင်းဆိုတာ
ဘယ်မှာရှိမည်လဲ။
လဲကျတိုင်းသာပြန်မထနိုင်ရင်
ဘယ်မှာအောင်မြင်မှုဆိုတာ
ရှိပါမလဲ။
လောကတရားကိုနားလည်ထားရင်
ဘဝဆိုတာကြမ်းတမ်းတယ်လို့ 
ထင်စရာမရှိပါဘူး။

မြေဇာ

ခန္တီတရား ရှိနေသ၍
သည့်ခံနေမည် အကျည်းတန်တဲ့
မင်းတို့ တွေကို မနစ်မြိုလာရင်
တွန်းချဖို့ ကို ဝန်းမလေဘူး
မြေဇာထရင် ကေသရာဇာ
တောင်မခံနိုင်ဘူး။
မေတ္တာတရား ရှိနေသ၍
ဒီအတိုင်းကြည့်နေမည်
အသိတွေရိုင်း ခွေးလိုရိုင်းရင်
မြေဇာက ကန်ချမှာနော်
သတိသာထား။
ဂရုဏာတရား ရှိနေသ၍
သက်သာနေမည်
ထပ်ခါထပ်ခါ စော်ကားရင်
မော်ကြွားတဲ့သူ မြေဇာက
ခါချပစ်မှာနော် မသက်ညှာဘူး
မြေဇာတဲ့နော်။
မုဒိတာတရား ရှိနေသ၍
ကလေးလေးလို ချော့မြူနေမည်
ကလေးဆိုးက ခွေးသူခိုးလို့ 
ထဟောင်ရင်တော့ ညအမှောင်တောင်မရှောင်
မြေဇာမညှာဘူးနော်
ခန္တီ၊မေတ္တာ၊ဂရုဏာ၊မုဒိတာ
ဤလေးပါသာ ပျက်ပြယ်အောင်လုပ်ရင်
မြေဇာအပြစ် အဆိုလစ်နှင့်။

စိတ္တသုခကာယသုခပြည့်စုံကြပါစေ.....ညီညွတ်ညိန်း

နုတ်ဆက်အလွမ်း

ညနေချမ်းမှာ လေချိုတွေဖြန်းပါပေါ့
အညာမြေကိုပြန်ရတော့မည်
နေခဲ့ပါတော့ မင်းဘဝပျော်သလို
တော်ရာမှာနေပျော်စရာကိုတွေး
တို့ ဝေးရဖို့ အကြောင်းဖန်
ပေါင်းရန်မဖြစ်တာမို့ 
နောင်ဘဝအတွက်ပဲဆုတောင်းကြပါစို့ 
မျက်ရည်စို့ စို့ တော့
ပါးမို့ မို့ မှာစီးကာနေလည်း
စီးပါစေလေ အပြာရောင်မျက်ရည်
တွေးဆခက်တော့ ဝေးရတဲ့အတွက်
ရင်မလေးပါနဲ့ ခင်လေး
တမင်ဝေးအောင်ဖန်လာတဲ့ကံကိုလဲအပြစ်မဆို
ချစ်မြဲချစ်နေ ချစ်လျက်ပါလေ
တခါတလေသတိရ အိပ်မရတဲ့ညတွေပေါ့
အိုမေရယ်ဘာကြောင့်များ
ဝေးခဲ့တာလည်း လွန်းကြင်ငှက်အသည်းပေါ့
တခါတည်းပြောမယ်နော်
ဇာမဏီအသည်းနဲ့  တစ်ဘဝစာချစ်သွားမယ်
နုတ်ဆက်ခဲ့တယ်နော်....
ရုတ်တစ်ရက်ထွက်ပြေး
မချစ်လို့ မဟုတ်ဘူး အချစ်ဆူးကြောင့်
အချစ်ရူးရူးနေသူပါ
ရူးချင်ရူးစေ မမှုပါဘူးလေ
အရံလူဘဝသနားမနေနဲ့ 
ဘဝခြေကရွှေသဇင်နဲ့ လက်ခုတ်ပန်း
အရမ်းလှမ်းတယ်နော်
လိုချင်တာဘဝတိုင်းမှာမရနိုင်ဘူး
တူညီအချစ်ဆိုတာရှားတယ်
မင်းဘဝကံပေးတဲ့အဖော်လက်ကိုမြဲအောင်တွဲနော်
အချစ်နဲ့ စနောက်ဆုံးလွမ်းစေသည်

ရေပွက်ပမာ

နေထွက်တာနေဝင်တာလဲခဏ
ရလာသမျှဒီခန္ဓာလည်းခဏ
ငိုချင်းရယ်ခြင်းသောကတွင်းလည်းခဏ
ရတဲ့အချိန်ခဏလေးတွင်းမှာ
ဘာတွေကြောင့်များအတ္တတွေထား
လူနဲ့ လူအချင်းက မေတ္တာကင်းလို့ 
စစ်တစ်လင်းတွေဖြစ်နေကြတာလဲ
အချင်းချင်းဂုဏ်တွေပြိုင်
သူနိုင်တယ်ငါနိုင်တယ်
ကိုယ်ကိုအဟုတ်ထင်ကြ
အပုပ်နွံကရုန်းဖို့ မကြိုးစား
မတော်သင့်ရာတော်လို့ 
မဖော်သင့်တာတွေလဲဖော်
သြော်...ဖြစ်ပျက်ဓမ္မတာ
မေ့ကာထားပြီးလား
မြေပေါ်ရဲရဲလျောက်ပါ
တစ်နေ့ တော့လည်း
မြေကြီးထဲသွားရမည်ကို
သတိမမူ ဥာဏ်မယူ
ကိုယ်ကိုသာကောင်းအောင်ကြိုးစား
သူများတွေဘာဖြစ်ဖြစ်
လှည့်မကြည့်
စာနာခြင်းတရားဘယ်သွားထားလဲ
ဘဝဆိုတာရေပွက်ပမာ
နေ့ လားညလား သေမည်မသိပါ
သတိကပ်ခါ အသိမြတ်မှ
လူဖြစ်ရကျိုးနပ်မည်။

အရုဏ်

အရုဏ်တော်လင်း၊တွန်ကြူးလင်းကြက်
နှိုးဆော်ချိန်ဝယ်၊လုံမငယ်လေး
ဆွမ်းချက်ရန်ပြင်၊ထင်းကစိုစို
မီးဖိုအိုတွင်း၊မီးမှာမရဲ
တစ်ရှဲရှဲနှင့်၊ငြိမ်းမြဲငြိမ်းလျက်
မီးခိုးကအူ၊မျက်ရည်ပူဝေ
ညည်းညူမနေ၊ဆွမ်းကျက်ဖို့ ရေး
ကြိုးစားမွှေးသည်။
အို...အို...ရောင်နီ၊လာပြီလာပြီ
သူရိန်ရှေ့ ကျွန်း၊ခေါင်းထွန်းလို့ ပေါ်
ရောင်နီမြင့်တက်၊သစ်ငုတ်ထက်မှာ
အမြီးကမြှောက်၊ဝမ်းဗိုက်အောက်က
အဖြူကိုခံ၊အနက်လွှားခြုံ
တောင်ပံကြားနှင့်၊ငှက်သပိတ်လွယ်
ငှက်ငယ်ကလေး၊စိုးစီစိုးစီ
ဝင်းပေါက်မှာမည်။
ဗုဒ္ဓဘုရား၊ဦးထိပ်ထားလျက်
သပြေညွန့် ဖူး၊ဆွမ်းတော်ဦးနှင့်
ဆီမီးရေချမ်း၊လှူဒါန်းပူဇော်
သာဓုခေါ်စေ.....ခေါ်စေသောဝ်။

စိတ္တသုခကာယသုခပြည့်စုံပါစေ.....ညီညွတ်ညိန်း

လွင်(၃)

ဆွတ်ချူရန်ခက်ပါရဲ့  မျက်ပါနဲ့ သက်လယ်
အုံ့ ပုန်းဖြစ်သူမျက်နှာငယ် ကွက်မလည်နိုင်သေး
ရွေငုံမင်းအမိမျှော်သလို ခရီးတော် နီးလျက်ကယ်ဝေး
ဘယ်သောခါဝယ် တူနှစ်ကိုယ်နီးရပါ့မယ်
မောင်ကြံရွယ်သော်လည်း နတ်ပန်းတစ်မျှ
ခူးရခက်သေးတယ် အမြင်မှာနီးသလောက်
ခရီးတော်တကယ်ဝေး ယက္ခစောင့်သည့်
ပန်းသို့ နှယ် မိဘမောင်ဖွား
အကိုတွေကြား စောင်ကြပ်တဲ့
နတ်ပန်းလေးရယ်။
သဉ္ဖာလေဆောင်းခန်း တစ်မှေးစက်ရာ
ခင်မျက်နှာလေး တစ်ရေးရေးမြင်
အိမ်မက်ထဲမှာ တွေ့ ရတယ်
သူဇာအလှမယ် မြင်သူငေးလောက်
အလှမှာအယဉ်ဆင့် တင့်တယ်သူလေး
အသည်းထဲဝယ် စွဲရစ်ခိုင်မှာ
တွယ်တာနှောင်ကြိုး ထပ်ခါရစ်တိုး
အမြဲတမ်းပဲတ မျှော်နေသူမှာ
ချူရန်ခက်လှတယ်။

***လွင်(၂)**

ရုပ်အဆင်းဟန် ကြွားဝင့်လို့ ရယ်
မျက်နှာထားပြုံးပါရင် မင်းပပရှုံး
တစ်ဖတ်သား မုန်းနိုင်ပါဘူး
ယမင်းလှကေသွယ်
နုသားတော် ဝါဝါညက်ကယ်နှင့်
ရှုစားတော် အခါခါမက်ဖွယ်
နံ့ သားပန်းလည်း မလိမ်းခြယ်
မိန်းမမြတ်လို့  ခေါ်လောက်ပါရဲ့ 
ဟန်မူရာ ခြောက်ပြစ်ကင်းစင်။
မြင်လျှင်မြင်ချင်း ချစ်ကြိုးနှောင်သွယ်
သူဇာနတ်မယ် ယုံပါတော့ကွယ်
ရာသက်မခွဲ ပေါင်းဖို့ ရန်ရွယ်
မေတ္တာတော်မဖယ် ကိန္နရီမောင်နှံသဖွယ်
ပြိုင်စေဦးတော့ ဘယ်ခါမှမရှုံး
ယုံပါတော့ခင်။
တူနှစ်ကိုယ် နေ့ စဉ်တွေ့ ချင်တယ်
ပင်တိုင်တော်ဦး ကျော့မှုးကေသွယ်
မရရင်တော့ကွယ် ရူးရတော့မယ်
ဤကမ္ဘာနဲ့  နောက်ကမ္ဘာလဲ
အမြဲပဲချစ်ပမည် ဘယ်လိုပင်
သံသရာတွေလည်းဆုံးဦးတော့ မမုန်းဘူးကွယ်။
သွားလေရာ ခင်မျက်နှာ
မျက်စိမှာစွဲ ခက်လှတယ်လေး
မောင်ဖူးစာဖြစ်ဖို့ အရေး ဘုရားလည်းမစ
သိကြားလည်းမစ
ဘယ်သောအခါမှ နီးရပါ့မယ်။

***လွင်**

သူ့ ရဲ့ ဂုဏ်သတင်း ထုံသင်းပျံ့ မွှေး
မိုးနတ်နွယ်အလား ထင်မှားလောက်တယ်
သူဇာပုံနှုန်း သူသာအလှဆုံး
ခုံးမျက်စဟန်ချီ သုံးရက်လဆန်မီတယ်
ချစ်ချင်ဖွယ် လှလဲလှပေ။
ခါးသေးလို့ ရင်ချီ ပတ္တမြားအသွေးနှယ်
ပန်းမာလာသဖွယ် ကြိုင်လှိုင် တင့်ဆန်းတယ်
မူယာမကြွယ်ရူပါရုံရယ် မြင်သူစွဲလမ်းစေ။
ရှေးဘဝကံ ဖေးမပြန်
အကြောင်းချင်းဆက်သွယ် ပေါင်းသင်းဖို့ ရည်ရွယ်
ချစ်သောသူဇာအလှ ရူပါရုံဆန်း
ချစ်မေတ္တာပန်း ပွင့်လန်းဝေ
ချစ်ပါတော့လေ။
ဆယ်ကမ္ဘာဆုံးစေ မမုန်းပါလေ
ကြင်ကြင်နာနာပါ့မယ် စိတ်ချပါမေ။

ပန်ဆင်လိုလျှင်ခေါင်းဖြီးစေချင်

ပန်းမှာသုံးပွင့်
စီရီပွင့်
ပန်ခွင့်မကြုံရ။
ဖြစ်ရာဘဝ
ကျင်လည်ရ
များလှဒုက္ခရောက်။
ဖြစ်လိုက်ပျက်လိုက်
ဘဝဆက်
မျက်ရည်စက်တွေများလှပြီ။
ဓမ္မစည်ကြီး
ရိုက်ဆော်တီး
မည်ဟီးဘဝဂ်တိုင်။
ကိလေသာနား
ပိတ်၍ထား
တို့ များမကြားနိုင်။
မကြားဘိသော်
ပန်းရိရော်
ဟစ်အော်ညည်း၍မှိုင်။
ပန်းပွင့်သုံးပွင့်
ပန်ဆင်ခွင့်
လွဲလို့ ကျန်ခဲ့ပြီ။
ပွင့်ခဲ့သောပန်း
မခြောက်နွမ်း
မွှေးမှတော်ကြမည်။
မေတ္တယျပန်း
ဦးထိပ်မှန်း
ဆင်မြန်းဖို့ ရန်ရည်။


စိတ္တသုခကာယသုခပြည့်စုံကြပါစေ.....ညီညွတ်ညိန်း

ကြိုးကြာအားမာန်

အတောင်ကိုဖြန့် ရင်း
လေကိုဆန်တက်ခါ
ပျံသန်းတက်ရသောကြိုးကြာ
မိုင်ထောင်ချီခရီးကြမ်း
မညည်းမညူပဲ
သူအတောင်တစ်စုံနဲ့ 
လေဟုန်ကိုခွဲထွက်ပြီး
လိုရာအရပ်ကိုသူခရီးဆက်
တောင်ပံတစ်ချက်ခတ်တိုင်း
အားပြတ်တယ်ဆိုတာမရှိပါဘူး
ဇွဲလုံးလနဲ့ သာခရီးဆက်နှင်တာပါ
လေတွေတိုက်လိုက်တိုင်း
ပန်းတွေကြွေကျရရင်
ပန်းပွင့်ဆိုတာ
ကျန်ပါဦးမလား
ရေတွေတိုက်စားလို့ 
မြေပြိုကျရင်
မြေကြီးဆိုတာကျန်ပါဦးမလား
မပြီးသေးတဲ့ခရီးတွက်
ကြိုးကြာငှက်လိုအတောင်ခတ်တိုင်း
အားတက်ပြီးခရီးမဆက်နိုင်ဘူးလား
ပတ်ဝန်ကျင်ဆိုတဲ့လေကိုကြောင်ရင်
နေစရာနေရာဘယ်မှာရှိမလဲ
လောကဓံကိုကြောက်နေရင်
ကြိုးကြာငှက်လိုမိုင်ထောင်ချီခရီး
ပျံသန်းနိုင်ပါဦးမလား
ဝမ်းနည်းစရာတွေ့ တိုင်း
မျက်ရည်ကျရပ်ရင်
ဘယ်မှာမျက်ရည်ကျန်မည်နည်း
ကြိုးကြာငှက်လေကိုဆန်ရလို့ 
အတောင်ညောင်းနောက်ကြောင်း
ပြန်လှည့်ခြင်းဆိုတာမရှိဘူးနော်
ဘဝရှေ့ ဆက်ခရီးတွက်အားမာန်နဲ့ 
သူခရီးဆက်တာကြိုးကြာအားမာန်
အတုယူရန်..............

စိတ္တသုခကာယသုခပြည်စုံကြပါစေ.....ညီညွတ်ညိန်း
 

ဧရာဝတီလွမ်းချင်း

မြစ်တစ်ရိုး ကံဆိုးတယ်တဲ့
မင်းတို့ မြစ်ဆုံ ရေနဒီ
ဝေရီလမ်းမှာလ လေနီကြမ်းရယ်က
သန်းဝိုက်လို့ မှုံ အိုမြစ်ဆုံ
မေခမလီခ မြစ်နှစ်သွယ်ခလို့ 
ဧရာဝတီရယ်လို့  မြစ်မင်းဧရာ
ဖြစ်လာရပေ အလှပတွေစုံ
မြစ်ယံကြောတစ်လျောက်
တောင်တန်းတောင်စွယ်
ထပ်ထပ်ရစ်ခွေ။
မြန်ပြည်အတွက် ဧရာရှိမှ
ပီပြင်လှပ ကြည်လင်လှ
မြန်ပြည်တစ်ခွင် တို့ သွေးချွေးနဲ့ 
တည်ဆောက်ခဲ့တာ ပြည်ပရောက်ဖို့ လား
ငါတို့ လက်ဖဝါးတွေ ချွေးစက် သွေးစက်
မပျောက်သေး နီလျက်သာထွေ။
ဧရာပျက်ရင် မြန်ပြည်တွက်
မဲ့လှဓိပ္ပါယ် ဖြစ်ရရှာမယ်
မြန်ပြည်နဲ့ ဧရာ ဧရာနဲ့ မြန်ပြည်
ခွဲခြားမရ တိုးဘိုဘွားမွေနှစ်
ဖြုန်းတာများလှ အားရပါလေ
အိုအဆွေတို့ ။

စိတ္တသုခကာယသုခပြည့်စုံကြပါစေ.....ညီညွတ်ညိန်း
 

သူသည်ပန်းတစ်ပွင့်ဖြစ်ခဲ့လျှင်

ဥယျာဉ်မြေမှာပျိုးတဲ့ပန်း
လန်းဆန်းတာပဲမြင်ချင်တာပေါ့
ညှိုးနွမ်းမှာကိုဖြင့်ဥယျာဉ်မှုးတိုင်း
အလိုလားကြတာအမှန်ပါလေ
သူသည်ပန်းတစ်ပွင့်ဖြစ်ခဲ့ပါလျှင်
ရနံ့ ထုံသင်းမွှေးပျံ့ ခြင်း
ဂုဏ်သတင်းကျော်ဇော
လေပြေသယ်ရာမွှေး
ပန်းကလေးပဲဖြစ်စေချင်တာ
ရင်ထဲကဆန္ဒပါလေ
ပန်တော်ကျဘဝမလှပခြင်း
မြင်သူရွံ့ ရှာခူးသူမဲ့
ပန်ဆင်သူမဲ့ပြီး
နွမ်းကြေရမှာကို
ဥယျာဉ်မှုတိုင်းမမြင်ရက်မကြည့်ရက်ပါဘူး
သူသည်ပန်းတစ်ပွင့်ဖြစ်ခဲ့ပါလျှင်
ဥယျာဉ်တောမှာပွင့်လန်းနေချိန်
ပျားပိတုန်းတွေရန်ကို
ဥယျာဉ်မှုးကကာကွယ်ပေးမှာပါ
ပန်းကလေးဝတ်ရည်စုတ်လူး
ပျားဘီလူးတို့ အလယ်သနားစဖွယ်
 အနွမ်းပန်းလေးမဖြစ်ရအောင်ပေါ့
သူသည်ပန်းတစ်ပွင့်ဖြစ်ခဲ့ပါလျှင်
ကိုယ်တိုင်ပျိုးသည့်ပန်း
မခူးရက်မမွှေးရက်
ပင်ယံထက်ပဲလှပါစေချင်တာပါ
ခူးလို့ ခြွေနမ်းလို့ နွမ်းရင်လဲ
အမြဲလှပပန်းဘဝဖြစ်စေချင်တာ
ဥယျာဉ်မှုးတိုင်းရဲ့  ဆန္ဒပါလေ
သူသည်ပန်းတစ်ပွင့်ဖြစ်ခဲ့ပါလျှင်.............

စိတ္တသုခကာယသုခပြည့်စုံကြပါစေ.....ညီညွတ်ညိန်း