ဆရာဇော်ဂျီသို့  လွမ်းသူ့ ကဗျာ
စာပေဘ၀ ဘ၀စာပေ
စာပေရှေ့ဆောင် မီးရှူးဆောင်ဟု
မြင်ရောင်သမိ ကြည်ညိုဘိသည်
မရှိခဲ့ တော့ ပြီတကား......။
ငါ့ ညီပြောင်ဝင်း မောင်သစ်ဆင်ဟု
ရေးရင်းကသာ သူ့ ကဗျာတို့ 
ရင်မှာစွဲညှိ ခံစားမိလည်း
မသိနိုင်တော့ ပြီတကား....။
ရာထူးကြီးမား ဂုဏ်ကြီးမာလည်း
ရိုးသားနှစ်ကြိုက် စာကြည့် တိုက်ဝယ်
ထွေးပိုက်ယုယ သုခုမဖြင့် 
ဘ၀တစ်ကွေ့  စာဓလေ့ နှင့် 
စာမွေ့ မြိုင်ပေါ် သူမွေ့ လျော်ရင်း
ရွှေ့ ရော်ကြွေသက်ခဲ့ တကား.....။
မရှိမသိ ကြွေခဲ့ ဘိလည်း
အမိမြေမှာ သူ့ ကဗျာတို့ 
ထင်စွာရှေ့ဆောင် အမှောင်ပယ်ခွင်း
အလင်းဝေငှ ဂုဏ်သင်းမြလျှက်
ရသလမင်းလင်းခဲ့ ၏.......။
လမင်းခြေရာ သူ့ ကဗျာတို့ 
ကဗျာတခေတ် ထူထောင်ရစ်ခဲ့ 
မူးမြစ်ကမ်းဘေး ကျွန်ထိုင်ငေးရင်း
ဖြေးဖြေးညင်သာ မဗေဒါကို
ငါ့ မှာမြင်ရ လွမ်းမောလှသည်
သြော်......ကဗျာသခင် ဆရာရှင်
သင်္ခါဘ၀လှပါစေ......။
ညိုလင်းမောင်(ရေဦး)
No comments:
Post a Comment